Þegar Ísland sýnir sínar bestu hliðar eru náttúra, fegurð og hlýja alltaf í forgrunni. Því þótt loftslagið sé býsna óstýrlátt þá er alltaf stutt í þennan einstaka yl sem gerir okkur öllum svo gott.

Hvað gerir Sky Lagoon að einstakri íslenskri upplifun?

1. Það gamla verður nýtt

Þótt Sky Lagoon sé nýtt af nálinni þá leynast þar alls konar tilvísanir í gamla tíma. Skoðaðu torfbæinn sem er byggður á gamla mátan og klömbruhleðsluna við innganginn.

2. Heitar laugar

Náttúrulaugar er að finna víða um landið, og þær eru líklega fleiri hér á landi en nokkurs staðar annars staðar í heiminum. Allt frá söguöld hafa Íslendingar nýtt sér þessar gjafir náttúrunnar til að slaka á. Ætli það sé ekki eitthvað í DNA-inu okkar?

3. Við erum sjávarþjóð

Þótt hálendið sé frábært þá er staðreyndin sú að við búum flest nærri sjávarsíðunni. Forfeður okkar sóttu sjóinn til að lifa af – og kannski gerum við það líka. Þú færð einfaldlega öðruvísi, og ef ekki kraftmeiri innblástur þegar þú horfir út á hafið.

4. Stílhrein hönnun

Eins og aðrar norrænar þjóðir, þá erum við Íslendingar hrifnir af einfaldri og stílhreinni hönnun þar sem litavalið er sótt til náttúrunnar. Við erum líka ófeimin að brjóta hana upp á óvæntan hátt þegar það hentar.

5. Okkar eigið hráefni

Það liggur ekkert á. Þess vegna gefum við okkur tíma til að njóta gæða landsins og upplifa á nýjan hátt. Allt frá gömlu góðu uppáhellingunni, kleinunum hjá ömmu, hjónabandsælunni hjá mömmu, villibráðinni hjá afa, til matseðilsins á Smakk Bar. Við notum bragðlaukana til að kanna landið okkar á alveg nýjan hátt, sem mun koma þér skemmtilega á óvart.

6. Þetta reddast

Þetta reddast! Kannski óopinbert slagorð Íslendinga? Allavega er gott að hafa þetta bakvið eyrað í amstri dagsins. Gleyma og verkefnum í smá stund og njóta þess að slaka á í einstöku umhverfi, svo nálægt en samt svo langt í burtu frá öllu sem stressar.